Մ. ՍԱՐՅԱՆԻ ՏՈՒՆ-ԹԱՆԳԱՐԱՆԻ ՎԵՐԱԲԱՑՈՒՄ

Մեր նպատակն էր սևեռել մարդկանց ուշադրությունը վերաբացման պաստառներին, որոնք կոգեշնչեին նրանց այցելել արդեն վերանորոգված թանգարան, որը որոշ ժամանակ փակ էր եղել: Քաղաքային պաստառն ստեղծելիս ոգեշնչվել ենք Սարյանի «Աղբյուրի մոտ» կտավից: Շարժման գաղափար կրելով իրենց մեջ՝ պաստառները այնպես են տեղադրվել Երևանի կենտրոնական փողոցներում, որպեսզի ուղղորդեն դեպի Սարյան փողոց, որտեղ և տեղակայված է նկարչի տուն-թանգարանը:

Մ. Սարյանի «Իմ տան դուռը միշտ բաց է եղել ու միշտ բաց կլինի…» խոսքերը դարձան այս արշավի կարգախոսը:  

Թանգարանի այցելության տոմսերի դիզայնը մշակելիս օգտագործել ենք յոթ տարբեր հատվածներ նկարչի հայտնի «Հայաստան պաննո» կտավից, որոնք պատկերում են Հայաստանի կենցաղը ու գեղեցիկ բնությունը և հետագայում կարող են պահպանվել այցելուների կողմից որպես հուշանվեր: 

«Աղբյուրի մոտ» կտավից ոգեշնչված՝ ստեղծել ենք նաև վերաբացման միջոցառման հրավիրատոմսը: